Wah bhai wah....Naya zamana..naya daur...gharwali se pyaz kya mangli...NDA sarkar se lekar..UPA tak ka kaccha chittha khol diya.Yeh sarkar hai ya mehngai ki car. Atta..chini..daalen..masale..sab assman par..aur ab hum shakahariyon ke Pyaz ke dam bhi sone jitne mehnge kar diye. Are sona phanna chod diya... petrol ki keematon ke karan tumahri khatara car mein long drive par jana chod diya...rasoi gas ke dam bada diye.. kitna man ko maaren..halat yeh hai ki is kadkadati thand mein do Pyaz ki pakaudi bhi nahin kha sakte.
Mantri ji ke wade itne ke teen hafte mein daam gir jayenge...bhul gaye shaayad...ki ek sarkar gir chuki hai Pyaz ke karan. Are tumeh kya tumahrey to bade bade sarkari bunglow mein.kithen garden mein sabziyan ug jati hain...hum kahan uggayen..apne sir per. Aur suno ji yeh Pyaz jab tak sasti na ho jaye aur tumahara D A allowence na barh jaye tab tak apne kisi bhi dost ya mehman ko ghar mat bulana...farma dete hain..are begum yeh sharma ji aayen hai kuch pakuodi- shakuodi ho jaye. Aise order farmate hain jaise parliament ki canteen mein baithe hon..mujhe pata hai..wahan saare ke saare subsidy ke mazzey loot rahen. Mujhe bhi subsidy do.....mitron yeh sunte sunte meri halat aap soch sakte hain ki kaise ho gayee hai...na ghar ka na sarkar ka..ab retirement jo le liya hai... Hey meri goverment..sarkar..ab to kar kuch vichar..apne bhutpurva karmchari ki halat par daya kar...Pyaz ke dam kam kara de...pakaudi to door ki chheez biwi ka pyar bhi udan chu ho gaya hai. Ek pyar ek uska hi pyar bacha tha..baki to jeb aur jawani ke jaate jaate..furr ho gaye.
MUNNI wakai badnam hui sarkar tere liye..... aur idhr SHEELA bhi kah rahi hai..."Mein tere haath na aani".
